პარლამენტთან მიმდინარე საპროტესტო აქციას ლოზუნგით - „უთანასწორობა უსამართლობაა“, რესპუბლიკის მოედნიდან გამართული მარშის მონაწილეები შეუერთდნენ

პარლამენტთან მიმდინარე საპროტესტო აქციას ლოზუნგით - „უთანასწორობა უსამართლობაა“, რესპუბლიკის მოედნიდან გამართული მარშის მონაწილეები შეუერთდნენ.

მსვლელობის მონაწილეები სკანდირებენ - „ძირს რუსული რეჟიმი“, „ძირს ოლიგარქია“, „ძირს უსამართლობა“. მათ ადგილზე მიტანილი აქვთ ბანერები, სადაც ერთი მხრივ სხვადასხვა სოციალური საჭიროების მქონე მოქალაქეების ყოველთვიური დახმარების ოდენობაა ასახული, მეორე მხრივ კი - საქართველოს ხელისუფლების წარმომადგენელთა ხელფასები.

ასევე მათ აქვთ ბანერები წარწერებით: „სიმართლე მშიერი ბავშვების თვალებშია“, „საქართველოში ყოველი მე-6 ბავშვი შიმშილობს”.

საკანონმდებლო ორგანოსთან შეკრებილ მოქალაქეებს რუსთაველის გამზირი გადაკეტილი აქვთ.