ბათუმის საქალაქო სასამართლოში 12 პირის პროცესი გაიმართა, რომელსაც 16 დეკემბერს, გზის სავალი ნაწილის ჩაკეტვას ედავებიან.

საქმე მოსამართლე ალექსანდრე გოგუაძემ განიხილა. მოსამართლემ მხარეებს მოუწოდა, რომ საქმე დეტალურად შეისწავლონ და სასამართლოს მტკიცებულებები წარუდგინონ. დაცვის მხარე აცხადებს, რომ შეკრებისა და გამოხატვის თავისუფლება დაირღვა.

თავის მხრივ, მოპასუხე მხარემ სხდომაზე განმარტა, რომ არასამუშაო დღეების გამო საქმის მასალების გამოთხოვა და გაცნობა შეუძლებელი იყო, ამიტომ სხდომის გადადება ითხოვა.

მოსამართლემ 12 პირიდან ნაწილის პროცესი 16 იანვარს, ნაწილის კი 20 იანვარს ჩანიშნა.

გარდა ამ საქმეებისა, აღსანიშნავია, რომ ამ წუთებში ბათუმის საქალაქო სასამართლოში, პოლიციის სამმართველოსთან 2 დღის წინ, ადმინისტრაციული სამართალდარღვევის ფაქტზე დაკავებულების პროცესი დაიწყო.