შიიტი მუსლიმები იმამ ალის დაბადების დღეს აღნიშნავენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

„დღეს შიიტი მუსლიმები, პირველი იმამის - ალის (ალი იბნ აბუ ტალიბი, მეოთხე მართლმორწმუნე ხალიფა; 601-661 წწ.) დაბადების დღეს აღნიშნავენ. ავტორიტეტული მუსლიმური წყაროების თანახმად, ალი იყო პირველი მამაკაცი, რომელმაც მიიღო ისლამი. იმამ ალი მუსლიმურ სამყაროში დიდი მნიშვნელობის მქონე ისტორიული ფიგურაა, როგორც სულიერად, ისე პოლიტიკურად.

რელიგიის საკითხთა სახელმწიფო სააგენტო ულოცავს ამ დღეს საქართველოს შიიტ მუსლიმებს, მშვიდობას და კეთილდღეობას უსურვებს მათ“,- ნათქვამია ინფორმაციაში.