ადვოკატის განცხადებით, აქტივისტი მარიამ სიჭინავა, რომელმაც ზუგდიდში საპროტესტო აქციაზე ფოიერვერკი ისროლა, ადმინისტრაციული წესით არის დაკავებული
ზუგდიდში აქციაზე დაკავებული აქტივისტი მარიამ სიჭინავა სამტრედიის წინასწარი დაკავების იზოლატორშია მოთავსებული, - ამის შესახებ „ინტერპრესნიუსს“ დაკავებულის ადვოკატმა როლანდ შონიამ განუცხადა. მისი თქმით, დაკავების დროს ადგილი ჰქონდა პროცესუალურ დარღვევებს.
„როგორც მარიამ სიჭინავამ მითხრა, დაკავების დროს ძალადობას ადგილი არ ჰქონია, თუმცა იყო მთელი რიგი პროცესუალური დარღვევები. უფლებები არ განუმარტავთ, დარეკვის უფლება არ მიუციათ. სასამართლო სავარაუდოდ, ხვალ ჩაინიშნება, თუმცა ჯერ ინფორმაცია არ მაქვს. მარიამი დაკავებულია ადმინისტრაციული წესით სსკ-ის 174 -ე პრიმა მუხლით“, - განაცხადა როლანდ შონიამ.
ცნობისთვის, ზუგდიდში, გუშინ მიმდინარე აქციაზე პოლიციამ აქტივისტი მარიამ სიჭინავა დააკავა. მისი დაკავების მიზეზი გახდა ის, რომ მან საპროტესტო აქციაზე ფოიერვერკი ისროლა.
v-if="article.gallery" v-html="article.gallery"
