„ძლიერი საქართველოს“ სახელით კატეგორიულად ვგმობთ გიორგი გახარიას წინააღმდეგ გუშინ განხორციელებულ ფიზიკურ თავდასხმას! - ამ დანაშაულზე პასუხისმგებლობა ეკისრება პირადად ივანიშვილს! - ამის შესახებ კოალიცია „ძლიერი საქართველოს“ ერთ-ერთმა ლიდერმა, ანა ნაცვლიშვილმა განაცხადა.

ნაცვლიშვილის განცხადებით, კოალიცია „ძლიერი საქართველო“ სინდისის ყველა პატიმარს სოლიდარობას უცხადებს.

„პერსონალურად ივანიშვილს ეკისრება პასუხისმგებლობა იმ რეპრესიებზე, რომლებსაც რუსულ სტილში ქართული მედიის და სამოქალაქო საზოგადოების წინააღმდეგ ახორციელებენ და ამ რეპრესიების მძიმე მაგალითებია გუშინდელი თავდასხმა ზვიად ქორიძეზე, მზია ამაღლობელის და ათობით ადამიანის, მათ შორის „ძლიერი საქართველოს“ წევრებისა და ლიდერების აბსოლუტურად, დაუსაბუთებელი და უკანონო პატიმრობა.

ჩვენი სახელით სოლიდარობა სინდისის ყველა პატიმარს და ვაძლევთ გარანტიას, რომ ახალი არჩევნების შემდეგ ყველა ჯალათს, რომელიც მონაწილეობს მათ წინააღმდეგ, ამ უსამართლო და სასტიკ რეპრესიებში, სათანადო პასუხი რეფორმირებული მართლმსაჯულების პირობებში გაეცემა!“, - განაცხადა ნაცვლიშვილმა.