ვიქტორ ორბანი დონალდ ტრამპის ინაუგურაციაზე - რამდენიმე საათი და მზეც კი სხვანაირად გაანათებს ბრიუსელში - ვიწყებ შეტევის მეორე ფაზას, რომლის მიზანია, ბრიუსელის ოკუპაცია
შეერთებულ შტატებში დონალდ ტრამპის პრეზიდენტობა გამოიწვევს მემარჯვენეების ახალ ზრდას ევროპაში. Reuters-ის ცნობით, ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.
„მხოლოდ რამდენიმე საათი და მზეც კი სხვანაირად გაანათებს ბრიუსელში. ახალი პრეზიდენტი აშშ-ში, “პატრიოტთა” დიდი ფრაქცია ბრიუსელში, დიდი ენთუზიაზმი. ასე რომ, დიდი თავდასხმა შეიძლება დაიწყოს. ამით ვიწყებ შეტევის მეორე ფაზას, რომლის მიზანია, ბრიუსელის ოკუპაცია“, - განაცხადა ორბანმა
მისი თქმით, ევროკავშირი კრიზისშია, რადგან ვერ უზრუნველყოფს თავისი მოქალაქეების კეთილდღეობას, ვერ აჩერებს არალეგალურ მიგრაციას და ვერ უზრუნველყოფს უსაფრთხოებას.
"ჩვენ უნგრეთში ვართ ბრიუსელში არსებული სისტემის ოპოზიცია. ბრიუსელი ოკუპირებულია მემარცხენე-ლიბერალური ოლიგარქიის მიერ. ევროპის არჩევნებზე ჩვენ მიუახლოვდით ახალი მემარჯვენე უმრავლესობის რეალურ შანსს, რომელსაც შეუძლია შეცვალოს ბრიუსელის ელიტა“, - აღნიშნა ორბანმა.
ორბანის პარტიამ „ფიდესმა“ და სხვა მემარჯვენე პარტიებმა შარშან, ევროპარლამენტში პოლიტიკური ჯგუფი „პატრიოტები“ დააარსეს. ჯგუფი, რომელსაც საფრანგეთის ულტრამემარჯვენე პარტია „ეროვნულმა გაერთიანება“ ხელმძღვანელობს, 86 წევრით სიდიდით მესამე გახდა ევროპარლამენტში.
v-if="article.gallery" v-html="article.gallery"
