აშშ-ს პრეზიდენტ დონალდ ტრამპსა და საუდის არაბეთის პრინცს შორის სატელეფონო საუბარი შედგა, - ამის შესახებ ინფორმაციას სააგენტო Reuters-ი საუდის არაბეთის სახელმწიფო საინფორმაციო სააგენტოზე დაყრდნობით ავრცელებს.
საუდის არაბეთის სახელმწიფო მედიის ცნობით, პრინცმა მოჰამედ ბინ სალმანმა აშშ-ის პრეზიდენტს, დონალდ ტრამპს განუცხადა, რომ მომდევნო ოთხი წლის განმავლობაში საუდის არაბეთი აშშ-ში 600 მილიარდი დოლარის ოდენობის ინვესტიციების ჩადებას გეგმავს.
მოჰამედ ბინ სალმანის განცხადებით, დონალდ ტრამპის ადმინისტრაციის მომავალმა რეფორმებმა შესაძლოა, „უპრეცედენტო ეკონომიკური კეთილდღეობა“ შექმნას.
