მსახიობი მარიამ ღვინიანიძე - მე და ანდროს გვყავს შვილი, 3 წლის ნიკო ჭიჭინაძე, რომელმაც არ იცის, მამამისი სად არის - იცის, რომ წასულია სამუშაოდ გადაღებებზე, რომელსაც ყველანი ძალიან მალე ველოდებით ჩვენთან
მე და ანდროს გვყავს შვილი, ნიკო ჭიჭინაძე. ნიკო არის 3 წლის, რომელმაც არ იცის, მამამისი სად არის. იცის, რომ წასულია სამუშაოდ გადაღებებზე, რომელსაც ყველანი ძალიან მალე ველოდებით ჩვენთან, - ამის შესახებ მსახიობმა მარიამ ღვინიანიძემ „ახალი თეატრის“ წინ, საპროტესტო მანიფესტის დროს განაცხადა.
შეგახსენებთ, რომ ვასო აბაშიძის სახელობის ახალი თეატრის წინ აქცია-პერფორმანსი, ე.წ. სახალხო მანიფესტი მიმდინარეობს.
„ახალი თეატრის“ სამხატვრო ხელმძღვანელის, დავით დოიაშვილის განცხადებით, მსახიობები სახალხო მანიფესტის ფარგლებში რეგიონებში გავლენ.
„ახალი თეატრი“ გადის რეგიონებში - ყველგან მივალთ და ყველასთან დავილაპარაკებთ და თქვენ აუცილებლად ნახავთ, რა შეუძლია თეატრს. შემოგვიერთდება ყველა. ჩვენ აუცილებლად გავიშლებით მთელს რეგიონებში. სდიეთ ქართულ თეატრს, სდიეთ!“ - განაცხადა დოიაშვილმა.
