ძალა ერთობასა და სოლიდარობაშია! ამის დასტურია ჩვენი მკითხველის გამოხმაურება აქციაზე „გადაიხადე, რამდენიც გინდა“, რომლის მიზანი სინდისის პატიმრის ვეფხია კასრაძის ოჯახის მხარდაჭერაა.

მკითხველს შევთავაზეთ მისთვის შესაძლებელი ნებისმიერი თანხა (1 ლარიდან) გადაეხადა მიხეილ ჯავახიშვილის „ჯაყოს ხიზნებში“ და ამ გზით თუნდაც მინიმალური ფინანსური მხარდაჭერა გაეწია პატიმრობაში მყოფი ვეტერანი მებრძოლისთვის, რომელსაც სახლში სამი მცირეწლოვანი შვილი ელოდება.

ეს აქცია ყოველთვის იქცევს მკითხველის ყურადღებას, მაგრამ ამჯერად საზოგადოების რეაქციამ ყოველგვარ მოლოდინს გადააჭარბა. სამი დღის მონაცემებით უკვე 6700 ლარია შეგროვებული და დაფიქსირდა შემთხვევები, როცა ერთ წიგნში გადახდილი თანხა ას ლარს აღემატება.

დიდი მადლობა ყველას! აქცია გრძელდება სპეციალური ტირაჟის ამოწურვამდე და ნებისმიერ მსურველს მთელი საქართველოს მასშტაბით, „ბიბლუსის“ ნებისმიერ ფილიალში შეუძლია მასში ჩართვა.

(R)