საქართველოს დელეგაციამ ევროპის საბჭოს საპარლამენტო ასამბლეის პრეზიდენტთან და ასამბლეის გენერალურ მდივანთან შეხვედრა გამართა

სტრასბურგში, ევროპის საბჭოს საპარლამენტო ასამბლეის ზამთრის სესიის ფარგლებში საქართველოს საპარლამენტო დელეგაციის ხელმძღვანელმა, თეა წულუკიანმა და ევროპის საბჭოში საქართველოს მუდმივმა წარმომადგენელმა, თამარ ტალიაშვილმა ევროპის საბჭოს საპარლამენტო ასამბლეის (PACE) პრეზიდენტთან და ასამბლეის გენერალურ მდივანთან შეხვედრა გამართეს.

ამის შესახებ ინფორმაციას პარტია "ქართული ოცნება" ავრცელებს.

მათივე ცნობით, საუბარი შეეხო საქართველოს დელეგაციის უფლებამოსილებების აღიარების თემას და ხაზი გაესვა თანამშრომლობის მნიშვნელობას.

"საქართველოს დელეგაციამ შეხვედრაზე აღნიშნა, რომ ახალი არჩევნების ჩატარების დათქმა საქართველოს ხელისუფლებისთვის წითელი ხაზია", - ნათქვამია გავრცელებულ ინფორმაციაში.