ბათუმში, საპროტესტო აქციის მონაწილეებმა გამსახურდიას ქუჩა გადაკეტეს.

მათი თქმით, სამართალდამცავები გზის გათავისუფლებას სთხოვენ, რასაც პროტესტის მონაწილეები არ ეთანხმებიან. აქციის მონაწილეებსა და პოლიციას შორის სიტყვიერი დაპირისპირებაც იყო.

“საპატრულო ეკიპაჟი სპეციალურად უცვლის მიმართულებას ავტომობილებს ამ გზაზე, რომ აქციის მონაწილეებს ხელი შეეშალოთ და პროტესტი შეწყვიტონ.

ჩვენ აქ ვართ, მშვიდობიანი პროტესტი გვაქვს და გზაც ამიტომ ჩაიკეტა, კანონით გვაქვს უფლება, ჩვენი პროტესტო გამოვხატოთ ყველგან, სადაც შესაძლებელია და კონსტიტუცია გვიცავს. არ ავყვებით პროვოკაციებს. ვრჩებით აქ”,- ამბობენ აქციის მონაწილეები.