რუსთაველის გამზირზე მიმდინარე აქციას, საზოგადოებრივ მაუწყებელთან შეკრებილი მოქალაქეები მსვლელობით შეუერთდნენ.

აქციის მონაწილეები ერთმანეთს ოვაციებით შეხვდნენ.

მსვლელობის მონაწილეები სკანდირებენ - „ცეცხლი ოლიგარქიას“, „არ გაჩერდება ხალხის მდინარე, ქვეყნის გულიდან გამომდინარე“

ასევე ადგილზე მიტანილი აქვთ სხვადასხვა შინაარსის ბანერები და საქართველოსა და ევროკავშირის დროშები.

ცნობისთვის, დღეს პროტესტის 66-ე დღეა. მოქალაქეები კი „ქართული ოცნების“ 28 ნოემბრის გადაწყვეტილებას - ევროინტეგრაციის 2028 წლამდე შეჩერებას აპროტესტებენ.

პროტესტის მონაწილეების მოთხოვნაა ქვეყანაში ხელახალი არჩევნების ჩატარება და აქციაზე დაკავებულების გათავისუფლება.