თბილისის საქალაქო სასამართლოში, ეროვნული ბანკის ყოფილი პრეზიდენტის, გიორგი ქადაგიძის პროცესი მიმდინარეობს, რომელიც სანაპიროზე საპროტესტო მსვლელობისას დააკავეს.

დღევანდელ სხდომაზე იმსჯელებენ ადმინისტრაციული სახდელის დადებაზე.

გიორგი ქადაგიძის წინააღმდეგ გამოძიება ადმინისტრაციული სამართალდარღვევათა კოდექსის, 173-ე მუხლით მიმდინარეობს, რაც სამსახურებრივი მოვალეობის შესრულების დროს, სამართალდამცავი ორგანოს თანამშრომლის და სხვა შესაბამისი სახელმწიფო ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.

ცნობისთვის, ეროვნული ბანკის ყოფილი პრეზიდენტი 2 თებერვალს მიმდინარე საპროტესტო აქციაზე, სანაპიროზე, ვახუშტის ხიდის მიმდებარე ტერიტორიაზე დააკავეს.