არათუ დაკავებულებს ათავისუფლებენ, არამედ, ახალ პატიმრებს იჭერენ, მანდატებს უწყვეტენ და ცდილობენ პუტინს ასიამოვნონ, - ამის შესახებ „ერთიანობა - ნაციონალური მოძრაობის“ წევრმა კობა ხაბაზმა განაცხადა.

ის სასამართლოში იმყოფება და აცხადებს, რომ საქართველომ ეს ბრძოლა თუ არ მოიგო, ქვეყანა ჭაობში ჩაიძირება.

„მთავარი არის გავიაზროთ, ხელისუფლებაში ვინ გვყავს. ჩვენ გვყავს რუსი, მოღალატე ხელისუფლება, რომელიც პირდაპირ მოსკოვიდან იმართება და აქედან უნდა ამოვიდეთ სავარაუდო გეგმებზე და შეფასებებზე. ამ ბოლო პერიოდში ცალსახად გამოჩნდა, რომ რა თქმა უნდა, ისინი წავლენ ყველაფერზე. ევროკავშირის მოთხოვნა გავიხსენოთ, რომ პატიმრები გაეთავისუფლებინათ და ვადამდელი არჩევნები დაენიშნათ. სწორედ ამის საპირისპიროს აკეთებენ - არათუ ათავისუფლებენ, იჭერენ ახალ პატიმრებს, მანდატებს უწყვეტენ, ისინი ცდილობენ პუტინს ასიამოვნონ. ამ ბრძოლაში ან ვიმარჯვებთ, ან სამწუხაროდ, საქართველო რუსულ ჭაობში ჩაიძირება“, - განაცხადა ხაბაზმა.