სისტემა აგებულია არა იმაზე, რა არის სიმართლე, არამედ იმაზე, რას იტყვის „შეფი“, - ამის შესახებ „თბილისი მოლთან" სტრატეგიული მნიშვნელობის მქონე ობიექტის ჯგუფურად ბლოკირების მცდელობაზე დაკავებულმა ირაკლი წიგნაძემ სასამართლო პროცესზე განაცხადა.

მან სამართალდამცავებს მიმართა.

„გაკვირვებული ვარ, რა დონის ტყუილზეა აწყობილი ჩვენი სისტემა, 20 წლის ბიჭები, ახალგაზრდები არიან პოლიციელები და ახლებს დააწერეს ეს საქმეები, ახლა იწყებენ და სიმართლის ლაპარაკს კი არ სწავლობენ, ელოდებიან სხვა ქალს, რომ ტყუილი დააწერინონ. კარგი ბიჭები არიან და მართლა მეცოდებიან. სისტემა აგებულია არა იმაზე, რა არის სიმართლე, არამედ იმაზე, რას იტყვის „შეფი“,- განაცხადა წიგნაძემ.

ბრალთან დაკავშირებით პოზიცია დააფიქსირეს სხვა დაკავებულებმაც და აღნიშნეს, რომ ისინი უდანაშაულოები არიან.

„თავს არ მივიჩნევ დამნაშავედ და მინდა საქართველო ისევ დამოუკიდებელი, თავისუფალი და ევროპული ქვეყანა იყოს",- განაცხადა ნიკოლოზ კუტუბიძემ.