აჭარის მთავრობის სახლთან საპროტესტო აქცია განახლდა.

მოქალაქეები აცხადებენ, რომ მოთხოვნა უცვლელია, დროულად დაინიშნოს ახალი საპარლამენტო არჩევნები და დაუყოვნებლივ მოხდეს სხვადასხვა აქციის დროს დაკავებული მოქალაქეების გათავისუფლება.

აქციის მონაწილეები ამბობენ, რომ 71-ე დღეა პროტესტის რეჟიმში იმყოფებიან და შეწყვეტას არ აპირებენ.

“თავისუფლება პოლიტპატიმრებს, რომლებიც სისტემამ უკანონოდ დააკავა”, - აცხადებენ შეკრებილები.