არსებული ინფორმაციით, ქუთაისში, მოსამართლის სახლთან მზია ამაღლობელის მხარდამჭერი საპროტესტო შეკრებისთვის, აქციის 9 მონაწილეს შსს-მ ადმინისტრაციული სამართალდარღვევის ოქმი შეუდგინა
არსებული ინფორმაციით, ქუთაისში, მოსამართლის სახლთან ჟურნალისტ მზია ამაღლობელის პატიმრობის გამო საპროტესტო შეკრებისთვის, აქციის 9 მონაწილეს შინაგან საქმეთა სამინისტრომ ადმინისტრაციული სამართალდარღვევის ოქმი შეუდგინა.
მედიაში გავრცელებული ინფორმაციის თანახმად, ოქმი შემდეგ პირებს გამოუწერეს: გელა მთივლიშვილი - ჟურნალისტი, საქართველოს ამბები / მთის ამბების რედაქტორი; ნინო ქათამაძე - მუსიკოსი, „ნინო ქათამაძის ფონდის“ დამფუძნებელი; ვლადიმერ აფხაზავა - მასწავლებელი, მასწავლებლის ეროვნული ჯილდოს პირველი მფლობელი; ხვიჩა ვაშაყმაძე - ჟურნალისტი; ქეთევან ფილაური - ფსიქოლოგი; მაია ცირამუა - ფსიქოლოგი; ირინა ზარანდია - სამოქალაქო აქტივისტი; გივი ცინცაძე - ლანჩხუთის საკრებულოს წევრი; ეკა კუხალაშვილი - „ქუთაისი პოსტის“ ჟურნალისტი.
პოლიცია მათ, სავარაუდოდ, შეკრების ან მანიფესტაციის ორგანიზებისა და ჩატარების წესის დარღვევას ედავება.
არსებული ინფორმაციით, საქმეზე სხდომა ორშაბათს, 10 თებერვალს, 12:00 საათზე, ქუთაისის საქალაქო სასამართლოში უნდა გაიმართოს.
„ინტერპრესნიუსი“ დამატებით დეტალებზე პასუხს შინაგან საქმეთა სამინისტროდან ელოდება.
v-if="article.gallery" v-html="article.gallery"
