პარლამენტთან, რუსთაველის გამზირის საავტომობილო გზის ნაწილი, სადაც აქციის მონაწილეები იყვნენ შეკრებილები, საპოლიციო ძალებმა დაიკავეს.

საკანონმდებლო ორგანოს მიმდებარედ იმყოფებიან როგორც საპატრულო, ისე კრიმინალური პოლიციის თანამშრომლები. პროტესტის მონაწილეები კი ტროტუარებზე რჩებიან.

რუსთაველის გამზირზე პოლიციის გამოჩენას მოქალაქეები სტვენითა და ხმაურით შეხვდნენ.

დღეს პროტესტის 73-ე დღეა. მოქალაქეებს რუსთაველის გამზირი დაახლოებით 22:00 საათიდან ჰქონდათ გადაკეტილი. ისინი კვლავ ახალი არჩევნების ჩანიშვნასა და აქციების პერიოდში დაკავებული პირების გათავისუფლებას მოითხოვენ.