ნინო ევგენიძე - ის, რომ „ქართული ოცნების“ ხელისუფლება არ არის მიწვეული მიუნხენის კონფერენციაზე, ცხადყოფს, რამხელა იზოლაციაში არიან მთელი მსოფლიოს მასშტაბით
ის, რომ „ქართული ოცნების“ ხელისუფლება არ არის მიწვეული მიუნხენის კონფერენციაზე, კიდევ ერთხელ ცხადყოფს, რამხელა იზოლაციაში არიან მთელი მსოფლიოს მასშტაბით, - ამის შესახებ ეკონომიკური პოლიტიკის კვლევის ცენტრის (EPRC) აღმასრულებელმა დირექტორმა, ნინო ევგენიძემ ჟურნალისტებთან განაცხადა.
მისი თქმით, დემოკრატიული და ცივილური სამყარო „ქართულ ოცნებას“ ჩვენი ქვეყნის კანონიერ წარმომადგენლად არ აღიარებს.
გარდა ამისა, მან 15 თებერვალს დაანონსებულ მარშთან დაკავშირებით ისაუბრა და აღნიშნა, რომ ქართველი ხალხის პროტესტის დამსახურებით, „რუსული რეჟიმი“ საერთაშორისო იზოლაციაშია მოქცეული.
„ვფიქრობ, რომ ამ პროცესმა, მთელმა ამ პროტესტმა საკმაოდ მნიშვნელოვან შედეგებს მიღწია. სანქციები არის მხოლოდ ქართველო ხალხის და ჩვენი შეუპოვარი ბრძოლის დამსახურება. ამასთან, კიდევ ერთხელ გამოვხატავთ ჩვენს თანადგომას სინდისის პატიმრების მიმართ,“ - განაცხადა ევგენიძემ.
v-if="article.gallery" v-html="article.gallery"
