კირ სტარმერს ძალიან მალე შევხვდები, - ამის შესახებ აშშ-ის პრეზიდენტმა, დონალდ ტრამპმა განაცხადა.

„ჩვენ მეგობრული შეხვედრა გვექნება, ძალიან კარგი შეხვედრა. ძალიან მალე შევხვდებით. ვფიქრობ, შეხვედრა მომავალ კვირას სურს, ან იმის შემდეგ კვირაში“, - განაცხადა დონალდ ტრამპმა.

მისი თქმით, შეხვედრა დიდი ბრიტანეთის პრემიერ-მინისტრმა, კირ სტარმერმა სთხოვა, რასაც დათანხმდა.

„მას უკვე ორჯერ შევხვდი. ერთმანეთს ძალიან კარგად ვუგებთ, ის ძალიან კარგი კაცია“, - აღნიშნა აშშ-ის პრეზიდენტმა.