საჯარო სამართლის იურიდიული პირის - საჯარო სამსახურის ბიუროს ლიკვიდაცია 2025 წლის 1-ელ აპრილამდე განხორციელდება. ბიუროს ფუნქციები და უფლებამოსილებები კი, მთავრობის ადმინისტრაციას გადაეცემა.

საკანონმდებლო პაკეტი, რომელიც 2025 წლის 1-ელ აპრილამდე დარჩენილ დროში საჯარო სამსახურის ბიუროს ლიკვიდაციას ითვალისწინებს, პარლამენტში უკვე ინიცირებულია.

კანონპროექტის გათვალისწინებით, ბიუროს უფლებამონაცვლედ მთავრობის ადმინისტრაცია ჩაითვლება.

ბიუროს ლიკვიდაციის მიზნით, მთავრობამ სალიკვიდაციო კომისია კანონის ამოქმედებიდან 10 დღის ვადაში უნდა შექმნას.

პროექტის თანახმად, ლიკვიდაციის შედეგად ბიუროდან გათავისუფლებულ თანამშრომლებს მიეცემათ კომპენსაცია - 1 თვის თანამდებობრივი სარგოს ოდენობით.