“თავისუფლება რეჟიმის პატიმრებს” - ამ ლოზუნგით, აჭარის მთავრობის სახლთან საპროტესტო აქცია განახლდა.

შეკრებილები ამბობენ, რომ დღევანდელ სასამართლო პროცესებზე, სადაც ადმინისტრაციული საქმეების განხილვა მოხდა, დადასტურდა, რომ მოქალაქეებს უკანონოდ აკავებენ, ასევე, საქმის მასალებს მიზანმიმართულად არ აცნობენ.

ასევე, საპროტესტო აქციის მონაწილეების თქმით, მთავარი მოთხოვნა უცვლელია, დაინიშნოს საპარლამენტო არჩევნები.

აჭარის მთავრობის სახლთან შეკრებილებმა ე.წ. ოცნების ქალაქში მომხდარი უბედური შემთხვევის შედეგად, დაღუპული მოზარდები გაიხსენეს და სანთლები დაანთეს.