ოლაფ შოლცმა ტრამპის კომენტარებს ზელენსკიზე „მცდარი და სახიფათო”, ფრიდრიხ მერცმა კი „რუსული ნარატივი” უწოდა
გერმანიის კანცლერის ოლაფ შოლცის განცხადებით, აშშ-ის პრეზიდენტის, დონალდ ტრამპის კომენტარები ზელენსკიზე “მცდარი და სახიფათოა”.
ამის შესახებ გერმანიის კანცლერმა, ოლაფ შოლცმა გერმანულ გამოცემა Spiegel-თან ინტერვიუში განაცხადა.
“უბრალოდ მცდარი და სახიფათოა პრეზიდენტ ზელენსკის დემოკრატიული ლეგიტიმაციის უარყოფა. სიმართლეა: ვოლოდიმირ ზელენსკი უკრაინის არჩეული სახელმწიფოს მეთაურია. ფაქტი, რომ სათანადო არჩევნები ვერ ჩატარდება შუა ომში, თანხვედრაშია უკრაინის კონსტიტუციასთან და საარჩევნო კანონებთან. სხვას არავინ უნდა ამტკიცებდეს”, - განაცხადა შოლცმა.
უკრაინის პრეზიდენტის ვოლოდიმირ ზელენსკის შესახებ ტრამპის განცხადებაზე გერმანიის “ქრისტიან-დემოკრატიული კავშირის” ლიდერმა, გერმანიის კანცლერობის ერთ-ერთმა კანდიდატმა ფრიდრიხ მერცმაც გააკეთა კომენტარი.
“ეს არსებითად დამნაშავისა და მსხვერპლის როლების კლასიკური გადაწყობაა. ეს რუსული ნარატივია. სიმართლე გითხრათ, გარკვეულწილად შოკირებული ვარ, რომ დონალდ ტრამპმა, როგორც ჩანს, ეს თავის [ნარატივად] გაიხადა”, - განაცხადა მერცმა.
v-if="article.gallery" v-html="article.gallery"
