კონფლიქტის გაგრძელება ცუდია რუსეთისთვის, ცუდია უკრაინისთვის, ცუდია ევროპისთვის, მაგრამ რაც ყველაზე მნიშვნელოვანია, ცუდია აშშ-სთვის. ამის შესახებ აშშ-ის ვიცე-პრეზიდენტი ჯეი დი ვენსი X-ის საკუთარ გვერდზე წერს.

ვენსის თქმით, აშშ-ს “ზეწოლის ბერკეტები” გააჩნია კონფლიქტის ორივე მხარეზე, ხოლო კონფლიქტის დასრულება მოითხოვს იმ ხალხთან საუბარს, ვინც ის დაიწყო და ვინც აგრძელებს.

“კონფლიქტმა დააწესა - და აგრძელებს - ზეწოლას ამერიკული სახელმწიფოებრიობის ინსტრუმენტებზე, სამხედრო მარაგებიდან სანქციებამდე (და გაცილებით მეტიც). გვჯერა, რომ კონფლიქტის გაგრძელება ცუდია რუსეთისთვის, ცუდია უკრაინისთვის, და ცუდია ევროპისთვის. მაგრამ, რაც ყველაზე მნიშვნელოვანია, ეს ცუდია შეერთებული შტატებისთვის”, - წერს ვენსი.