უზენაეს სასამართლოსთან "თავისუფლების მოედნის“ ორგანიზებით აქცია გაიმართა.

როგორც სასამართლოსთან შეკრებილებმა განაცხადეს, „ქართულმა ოცნებამ“ ქვეყნის ევროკავშირში „ინტეგრაციის ერთ-ერთ მთავარ ბარიერად სასამართლოს რეალურ დამოუკიდებლობაზე უარის თქმა“ აქცია.

პარტია თანამოაზრეებს მოუწოდებს ყოველ ხუთშაბათს, 19:00 საათზე, უზენაესი სასამართლოს შენობის წინ შეიკრიბონ.

შეკრებილებს ადგილზე მოტანილი ჰქონდათ სხვადასხვა შინაარსის ბანერი.

სასამართლოსთან აქციის დასრულების შემდეგ მოქალაქეებმა მსვლელობით რუსთაველის გამზირზე გადაინაცვლეს, სადაც უკვე 85 დღეა მოქალაქეები პროტესტის ნიშნად ყოველდღიურად იკრიბებიან.