ლევან ცუცქირიძე - ეს პროტესტი არის საფუძველი ყველაფერი იმისა, რაც შეიძლება დავაშენოთ ამ ბრძოლაზე, ავტორიტარული რეჟიმის წინააღმდეგ
ეს პროტესტი არის საფუძველი ყველაფერი იმისა, რაც შეიძლება დავაშენოთ ამ ბრძოლაზე, ავტორიტარული რეჟიმის წინააღმდეგ. ამიტომ ეს პროტესტი, შეურიგებლობის გამოხატვა არის მნიშვნელოვანი, - ამის შესახებ პოლიტიკური მოძრაობა “თავისუფლების მოედნის” თავმჯდომარემ, ლევან ცუცქირიძემ, პარლამენტთან მიმდინარე საპროტესტო აქციაზე, "ინტერპრესნიუსთან" განაცხადა.
მისი თქმით, ეს პროტესტი კიდევ უფრო უნდა განვითარდეს და სხვა ფორმები უნდა შეიძინოს.
"ისინი ["ქართული ოცნება"] ანტიკონსტიტუციურ, არასამართლიან ბრძანებებს იძლევა და ყველა უნდა მიხვდეს, სანამ ხელს მოაწერენ და დავალებას შეასრულებენ, რომ ეს არ უნდა გააკეთონ. საერთაშორისო გარემო რა თქმა უნდა, იცვლება, მაგრამ ჩვენ ჯერ კიდევ უნდა დავინახოთ თუ საბოლოოდ როგორ ჩამოყალიბდება თეთრი სახლის საგარეო პოლიტიკა ამ პროცესთან დაკავშირებით. კონგრესიდან ორპარტიულ მხარდაჭერას ვხედავთ, ამიტომ აქ ვართ, გაზაფხულიც მოვა, როგორც კალენდრით, ისე პოლიტიკურად", - განაცხადა ლევან ცუცქირიძემ.
v-if="article.gallery" v-html="article.gallery"
