რუსეთის უშიშროების საბჭოს თავმჯდომარის მოადგილე, დიმიტრი მედვედევი აცხადებს, რომ რუსეთის მტერი განადგურდება და სიმართლე გაიმარჯვებს.
მედვედევმა „სამშობლოს დამცველის დღესთან“ დაკავშირებით „ტელეგრამზე“ პოსტი გამოაქვეყნა, სადაც აცხადებს, რომ რუსეთის გადაწყვეტილება უკრაინაში ე.წ. სპეციალური სამხედრო ოპერაციის დაწყების შესახებ ერთადერთი სწორი და შესაძლო გადაწყვეტილება იყო.
ამასთან, მისი თქმით, „ნეონაციზმისა და მისი დამქაშების წინააღმდეგ“ ომი ჯერ არ დასრულებულა, მაგრამ მისი შედეგი ძალიან ახლოს არის.
„ნეონაციზმისა და მისი დამქაშების წინააღმდეგ ომი ჯერ არ დასრულებულა. მაგრამ, მისი შედეგი უკვე ძალიან ახლოსაა. მტერი განადგურდება. სიმართლე გაიმარჯვებს“, - წერს მედვედევი.
