„ევროპის უნივერსიტეტმა“ XI-XII კლასის მოსწავლეებისთვის მთელი ქვეყნის მასშტაბით ესეების კონკურსი ჩაატარა
23 თებერვალს, „ევროპის უნივერსიტეტის“ ორგანიზებით, XI და XII კლასის მოსწავლეებისთვის ესეების კონკურსი ჩატარდა, თემაზე:
"განათლებისა და წიგნიერების როლი ჩვენი ქვეყნის დემოკრატიული მომავლის ჩამოყალიბების პროცესში". ამის შესახებ ინფორმაციას "ევროპის უნივერსიტეტი" ავრცელებს.
"ევროპის უნივერსიტეტის" ვიცე-რექტორმა, რაულ ქირიამ და სამართლის, ჰუმანიტარულ და სოციალურ მეცნიერებათა ფაკულტეტის დეკანმა, ეკა კაველიძემ კონკურსის მონაწილეებს სიტყვით მიმართეს და წარმატებები უსურვეს.
კონკურსი ერთდროულად ორ ლოკაციაზე: თბილისში, "ევროპის უნივერსიტეტში" და ქუთაისში, "ევროპის ცენტრალურ უნივერსიტეტში" მიმდინარეობდა.
„კონკურსში მონაწილეობა 200-ზე მეტმა უფროსკლასელმა მიიღო. მოსწავლეებმა ესე შეასრულეს, თემაზე: "ჩვენი გზა ევროპაშია, ხსნა კი განათლებასა და წიგნიერებაში" - ნიკო ნიკოლაძე.
ესეების კონკურსის გამარჯვებულებს სპეციალურად შექმნილი კომისია გამოავლენს. საუკეთესო სამი ნამუშევრის ავტორს "ევროპის უნივერსიტეტი" გრანდიოზული პრიზებით დააჯილდოებს”, - აღნიშნულია ინფორმაციაში.
