უკრაინის ნატო-ში გაწევრიანების საკითხი არ განიხილება, - ამის შესახებ აშშ-ის პრეზიდენტის, დონალდ ტრამპის მრჩეველმა, ეროვნული უსაფრთხოების საკითხებში მაიკ უოლცმა Fox News-თან ინტერვიუში განაცხადა.

„ეს საკითხი არ განიხილება. არ განვიხილავ, რომ აშშ-მა უკრაინას ნატო-ში გაწევრიანების ნება დართოს და შემდეგ დაუყოვნებლივ, მე-5 მუხლის თანახმად, უკრაინის დასაცავად ამერიკელი ჯარისკაცების გამოყენება დაუშვას. ეს სრულიად განსხვავებული სცენარია და მინდა დავაზუსტო ეს საკითხი. ეს აშშ-ს მიერ ნატო-სა და მისი მოქმედი წევრი ქვეყნების წინაშე აღებული ვალდებულებისგან განსხვავდება“, - განაცხადა მაიკ უოლცმა.

მისი თქმით, აშშ ნატო-ს წინაშე აღებული ვალდებულებების ერთგულია.

„ჩვენ მე-5 მუხლით აღებული ვალდებულებების ერთგული ვართ. თუმცა, უკრაინის უსაფრთხოების გარანტიები ცალკე განხილვის საკითხია“, - აღნიშნა უოლცმა.