საუდის არაბეთის თავდაცვის მინისტრი აშშ-ის თავდაცვის მდივანს შეხვდა, - ამის შესახებ ინფორმაციას სააგენტო Reuters-ი ავრცელებს.
საუდის არაბეთის თავდაცვის მინისტრი, პრინცი ხალიდ ბინ სალმანი აშშ-ის თავდაცვის მდივანს, პიტ ჰეგსეტს ვაშინგტონში შეხვდა.
„შეხვედრის დროს თავდაცვის სფეროში თანამშრომლობის გაძლიერების გზები განვიხილეთ. ჩვენ ასევე რეგიონალური და საერთაშორისო მოვლენები და უსაფრთხოებისა და სტაბილურობის ხელშეწყობის მიზნით საერთო ძალისხმევის საკითხები განვიხილეთ“, - წერს საუდის არაბეთის თავდაცვის მინისტრი X-ზე.
შეგახსენებთ, გასულ კვირას საუდის არაბეთში აშშ-ისა და რუსეთის დელეგაციებს შორის მოლაპარაკებები გაიმართა, რომლის ფარგლებშიც მხარეებმა უკრაინაში ომის დასრულებისა და აშშ-რუსეთის ურთიერთობების აღდგენის საკითხები განიხილეს.
