ირაკლი შაიშმელაშვილი - შსს ყოფილ კოლეგებს ჩემზე შურისძიების მოტივით ათავისუფლებს
შსს, ჩემ ყოფილ კოლეგებს, ჩემზე შურისძიების მოტივით ათავისუფლებს, - ამის შესახებ შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილმა უფროსმა, ირაკლი შაიშმელაშვილმა განაცხადა.
როგორც ის სოციალურ ქსელ "ფეისბუქის" საკუთარ გვერდზე წერს, ადამიანებს თავდაცვის სამინისტროდან კი იმის გამო ათავისუფლებენ, რომ მათ ევროკავშირში გაწევრიანების შეჩერებასთან დაკავშირებით პოზიცია დააფიქსირეს.
"მიმდინარე დღეებში, სახელმწიფოს, იმის ნაცვლად, რომ საგანგებო მდგომარეობა გამოეცხადებინა და კრიზისების მართვის ჯგუფი პრაქტიკაში გაეაქტიურებინა, შსს, ჩემ ყოფილ კოლეგებს, ჩემზე შურისძიების მოტივით ათავისუფლებს (fb-დან რატომ არ წამშალეს).. ან თავდაცვის სამინისტროდან უშვებენ ხალხს, ევროკავშირში გაწევრიანების შეჩერებაზე, პეტიციით რომ გამოხატეს პოზიცია.
ამაზე მეტს, რა რეპრესიებს ელით?! მითუმეტეს, რა პოზიტიური მოლოდინი გაქვთ?!
დუმილით ქვეყანა ხომ დაანგრიეთ და ახლა საკუთარი მომავლის სარეცელზე ბოლო ლურსმანს აჭედებთ",- წერს შაიშმელაშვილი.
v-if="article.gallery" v-html="article.gallery"
