ისრაელი და “ჰამასი” შეთანხმდნენ, რომ „ჰამასი“ ისრაელს კიდევ ოთხი მძევლის ცხედარს გადასცემს, ისრაელი კი 602 პალესტინელ პატიმარს გაათავისუფლებს, - ინფორმაციას The Times of Israel-ი ავრცელებს.

გამოცემის წყაროს ცნობით, მძევლების ცხედრებს, ეგვიპტის შუამავლობით, ისრაელს დღეს გადასცემენ.

შეგახსენებთ, ისრაელსა და „ჰამასს“ შორის მიღწეული ცეცხლის შეწყვეტის შეთანხმების პირველი ეტაპის ფარგლებში, რომელიც 2 მარტამდე გაგრძელდება, საერთო ჯამში, 25 მძევალი უნდა გათავისუფლდეს და ისრაელს 8 მძევლის ცხედარი უნდა გადასცენ.