რუსეთის საჰაერო თავდაცვის სისტემებმა ქვეყნის ოთხ რეგიონსა და შავი და აზოვის ზღვების თავზე 128 უკრაინული უპილოტო საფრენი აპარატი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, ყველაზე მეტი - 83 დრონი - კრასნოდარის მხარეში ჩამოაგდეს, 30 - დროებით ოკუპირებული ყირიმის ტერიტორიაზე, 8 - აზოვის ზღვის თავზე, 5 - შავი ზღვის აკვატორიის თავზე, თითო-თითო კი ბრიანსკისა და კურსკის ოლქებში.