პოლონეთის ვიცე-პრემიერი - უკრაინა უახლოეს კვირებსა და თვეებში Starlink-ის 5 000 ტერმინალს მიიღებს
პოლონეთის ვიცე-პრემიერის, კშიშტოფ გავკოვსკის განცხადებით, პოლონეთი უკრაინას Starlink-ის ტერმინალების მნიშვნელოვან პარტიას მიაწვდის.
უკრაინული მედიის ცნობით, გავკოვსკიმ TVN24-ის ეთერში განაცხადა, რომ საუბარია ხუთ ათას ტერმინალზე, რომელიც უკრაინაში „უახლოეს კვირებში და თვეებში“ ჩავა.
მან ისაუბრა იმაზე, რომ პოლონეთმა Starlink-ის ტერმინალები შეიძინა და უკრაინას გადასცა და მათ სააბონენტო გადასახადსაც იხდის.
მედიაში გავრცელებულ ინფორმაციასთან დაკავშირებით იმის შესახებ, რომ შეერთებულმა შტატებმა, შესაძლოა, უკრაინას სატელიტური ინტერნეტი გაუთიშოს, გავკოვსკიმ განაცხადა, რომ ვერ წარმოუდგენია, რომელიმე ამერიკულმა კორპორაციამ ასეთი კონტრაქტები დაარღვიოს.
პოლონეთის ვიცე-პრემიერის თქმით, ქვეყნის ციფრული განვითარების სამინისტრომ უკრაინისთვის Starlink-ის დამატებითი სისტემების გადაცემის გადაწყვეტილება მიიღო.
„კიდევ ხუთი ათას Starlink-ს ვუკვეთავთ, რისთვისაც ნაწილობრივ უკვე გადახდილია და უკრაინაში უახლოეს კვირებსა და თვეებში გაიგზავნება“, - აღნიშნა კშიშტოფ გავკოვსკიმ.
მისი თქმით, უკრაინაში უკვე 25 ათასი Starlink-ი მუშაობს.
v-if="article.gallery" v-html="article.gallery"
