Politico - მოსამართლემ დონალდ ტრამპის ადმინისტრაციას USAID-ის კონტრაქტორებისთვის გადასახადების გადახდა უბრძანა
მოსამართლემ დონალდ ტრამპის ადმინისტრაციას USAID-ის კონტრაქტორებისთვის გადასახადების გადახდა უბრძანა, - ამის შესახებ ინფორმაციას Politico ავრცელებს.
აშშ-ის ფედერალური ოლქის მოსამართლემ, ამირ ალიმ განაცხადა, რომ დონალდ ტრამპის ადმინისტრაციამ საგარეო დახმარების კონტრაქტორებისთვის დაფინანსების აღდგენის შესახებ მის მიერ 13 თებერვალს გაცემული ბრძანება დაარღვია.
მოსამართლემ აშშ-ის პრეზიდენტის, დონალდ ტრამპის ადმინისტრაციას მთელი მსოფლიოს მასშტაბით USAID-ის კონტრაქტორებისთვის დაფინანსების აღდგენისთვის დრო 26 თებერვლის 23:59 საათამდე მისცა.
შეგახსენებთ, აშშ-ის პრეზიდენტმა, დონალდ ტრამპმა 20 იანვარს აღმასრულებელ ბრძანებას მოაწერა ხელი, რომლითაც საგარეო დახმარების პროგრამები 90 დღით შეაჩერა. მოგვიანებით, საგარეო დახმარების პროგრამების დაფინანსება აშშ-ის სახელმწიფო დეპარტამენტმაც შეაჩერა. 3 თებერვალს ვაშინგტონში USAID-ის ოფისი დაიხურა, ხოლო დონალდ ტრამპმა აშშ-ის საერთაშორისო განვითარების სააგენტოს (USAID) ადმინისტრატორის მოვალეობის შემსრულებლად აშშ-ის სახელმწიფო მდივანი, მარკო რუბიო დანიშნა. USAID-მა მთელი მსოფლიოს მასშტაბით თანამშრომლების ადმინისტრაციულ შვებულებაში გაშვების ბრძანება გამოსცა, თუმცა აშშ-ის ფედერალურმა მოსამართლემ, კარლ ნიკოლსმა დონალდ ტრამპის ადმინისტრაციის ბრძანება დაბლოკა და თანამშრომლების ნაწილი თანამდებობებზე აღადგინა.
v-if="article.gallery" v-html="article.gallery"
