ლიეტუვის საგარეო საქმეთა მინისტრი - იშვიათი ლითონების შესახებ აშშ-ისა და უკრაინის შეთანხმება კარგი ნიშანია

იშვიათი ლითონების შესახებ აშშ-ისა და უკრაინის შეთანხმება კარგი ნიშანია, - ამის შესახებ ლიეტუვის საგარეო საქმეთა მინისტრმა, კიასტუტის ბუდრისმა განაცხადა.

„უკრაინა და აშშ ერთ-ერთ სტრატეგიულ სექტორში, ბუნებრივი რესურსების მოპოვებისა და გადამუშავების სექტორში, თანამშრომლობით დაინტერესებულები არიან და ეს კარგი ნიშანია, რადგან ორივე ქვეყანა მიიჩნევს, რომ ამ სფეროში ჩართვა და ამით მომავალი თანამშრომლობის პირობების შექმნა შეუძლიათ“, - განაცხადა ბუდრისმა.

მისი თქმით, უკრაინას მოლაპარაკებებში იმის ძალა ჰქონდა, რომ ის პირობები არ მიეღო, რომლებიც ნაკლებად მისაღები იყო.

„ვფიქრობ, ევროპის როლი მნიშვნელოვანი იყო, რადგან ჩვენ უკრაინელი კოლეგები დავარწმუნეთ, რომ არ მიეღოთ ის, რაც მათ ეროვნულ ინტერესებს არღვევდა“, - აღნიშნა ლიეტუვის საგარეო საქმეთა მინისტრმა.