დიდთოვლობის და რთული მეტეოროლოგიური პირობების გამო, ქუთაისში საბავშვო ბაღებში სააღმზრდელო პროცესი ჩერდება. ააიპ „ბაგა-ბაღების გაერთიანების“ ინფორმაციით, ორი დღის განმავლობაში 27 და 28 თებერვალს სასწავლო-აღმზრდელობითი პროცესი შეჩერდება.

როგორც ბაგა-ბაღების გაერთიანებაში განმარტავენ, ამის მიზეზი რთული მეტეოროლოგიური პირობებია.

ქუთაისის ბაგა-ბაღებში სასწავლო-აღმზრდელობითი პროცესი 4 მარტიდან განახლდება.