ვლადიმერ პუტინსა და დონალდ ტრამპს შორის მორიგი სატელეფონო საუბარი ჯერჯერობით არ იგეგმება, - ამის შესახებ კრემლის პრესსპიკერმა, დიმიტრი პესკოვმა პრესკონფერენციაზე განაცხადა.

“საჭიროების შემთხვევაში საუბარი ყოველთვის შეიძლება შედგეს. დიალოგი განახლებულია. ჯერჯერობით ასეთი გეგმები არ არსებობს, მაგრამ ეს გეგმები შეიძლება სწრაფად შეიცვალოს”, - განაცხადა დიმიტრი პესკოვმა.

პესკოვმა რუსეთისა და აშშ-ის პრეზიდენტების, ვლადიმერ პუტინისა და დონალდ ტრამპის სავარაუდო შეხვედრის შესახებ დასმულ შეკითხვასაც უპასუხა.

“არსებობს გაგება, რომ შეხვედრა უნდა შედგეს, მაგრამ იგი კარგად უნდა იყოს მომზადებული”, - აღნიშნა პესკოვმა.