ბადრი ჯაფარიძე - ფაშისტური გერმანიის პროპაგანდის შესაჩერებლად მიღებული კანონის დღეს ინიცირება საქართველოში, მეტყველებს სრულ არაადეკვატურობაზე
ფაშისტური გერმანიის პროპაგანდის შესაჩერებლად [აშშ-ში] მიღებული კანონის დღეს ინიცირება საქართველოში, თავისთავად მეტყველებს სრულ არაადეკვატურობაზე და სულ სხვა მიზნებზე, ვიდრე გამჭვირვალეობა და ჩვენ მიმართ მტრული ქვეყნის პროპაგანდის შეჩერებაა , - ამის შესახებ “ძლიერი საქართველოს” ერთ-ერთმა ლიდერმა ბადრი ჯაფარიძემ ჟურნალისტებს განუცხადა, რითაც “ქართული ოცნების” მიერ ამერიკული “ფარას” თარგმანის დაინიცირებას გამოეხმაურა.
ჯაფარიძის თქმით, “ქართული ოცნების” მიზანი პარტნიორებთან საქართველოს დაშორებაა.
“ქართული ოცნების” მიზანია, ქვეყანა მთლიანად მოაქციოს იზოლაციაში, ქვეყანა სრულად დააშოროს ევროკავშირს, დააშოროს პარტნიორებს. ეს არის “ქართული ოცნების” მიზანი.
“ფარას” რაც შეეხება, ეს კანონი 1938 წელს იქნა მიღებული შეერთებული შტატების მიერ ფაშისტური გერმანიის პროპაგანდის შესაჩერებლად და პრეზიდენტმა ტრამპმა თქვა, რომ ის აპირებს ამ კანონის გაუქმებას. ფაშისტური გერმანიის პროპაგანდის შესაჩერებლად მიღებული კანონის დღეს ინიცირება საქართველოში, თავისთავად მეტყველებს სრულ არაადეკვატურობაზე და სულ სხვა მიზნებზე, ვიდრე გამჭვირვალეობა და ჩვენ მიმართ მტრული ქვეყნის პროპაგანდის შეჩერებაა”,- განაცხადა ბადრი ჯაფარიძემ.
ცნობისთვის, “ქართულმა ოცნებამ” ფარას სიტყვა-სიტყვით ნათარგმნი კანონპროექტი „უცხოელი აგენტების რეგისტრაციის აქტის“ სახელით პარლამენტში 24 თებერვალს დააინიცირა. პროექტში გადმოტანილია ისეთი ტერმინებიც, როგორიცაა „აშშ-ს პრეზიდენტი“, „კონგრესი“, „სახელმწიფო დეპარტამენტი“, „ხაზინის მდივანი“.
v-if="article.gallery" v-html="article.gallery"
