„ბიბლუსი ჯგუფის“ გენერალურ დირექტორს, ირაკლი გაგნიძეს 4 მარტს დაკრძალავენ. პანაშვიდი 2 და 3 მარტს გაიმართება, მისამართზე: ლარსის ქუჩა 5, მეშვიდე სართული.

ირაკლი გაგნიძეს 4 მარტს, 14:00 საათზე, საბურთალოს სასაფლაოზე მდებარე მაცხოვრის ამაღლების ეკლესიიდან გამოასვენებენ.

42 წლის ასაკში, „ბიბლუსი ჯგუფის“ გენერალური დირექტორი ირაკლი გაგნიძე გარდაიცვალა. ის მძიმე დაავადებას ებრძოდა.

ირაკლი გაგნიძე „ბიბლუსი ჯგუფს“ არაერთი წლის განმავლობაში ხელმძღვანელობდა. მისი წვლილი საქართველოში წიგნიერების გავრცელებაში შეუფასებელია.

ირაკლი გაგნიძეს მეუღლე და ოთხი შვილი დარჩა.

„ინტერპრესნიუსი“ ირაკლი გაგნიძის გარდაცვალების გამო ღრმა მწუხარებას გამოთქვამს და სამძიმარს უცხადებს მის ოჯახს, ახლობლებს, „ბიბლუსისა“ და „პალიტრა ჰოლდინგის“ მთელს გუნდს.