სავაჭრო პალატამ 100-მდე ქალი მეწარმე ბიზნესის გაციფრულების მიმართულებით გადაამზადა. ამის შესახებ ინფორმაციას სავაჭრო პალატის პრესსამსახური ავრცელებს.

როგორც გავრცელებულ ინფორმაციაშია ნათქვამი, თბილისსა და რეგიონებში 100-მდე ბიზნესის მფლობელი ქალი მეწარმე გადამზადდა.

“პროექტი "ქალთა ეკონომიკური გაძლიერება გაციფრულების გზით“ სავაჭრო პალატამ, კანადის ფონდის ადგილობრივი ინიციატივების CFLI-სთან თანამშრომლობით განახორციელა.

პროექტის შედეგები და მიღწევები,სავაჭრო პალატის პრეზიდენტმა გიორგი პერტაიამ, პალატის ბიზნესისა და რეგიონული განვითარების დეპარტამენტის დირექტორმა გიორგი ვეკუამ, მეწარმეებთან და კანადის საელჩოს წარმომადგენელთან ერთად შეაჯამეს.

მათ დარგის ექსპერტების დახმარებით პრიორიტეტულ მიმართულებებზე მიიღეს ცოდნა, რომელიც დაეხმარებათ ბიზნესის გაციფრულებასა და განვითარებაში. ასევე, მონაწილეებს ტრენინგ კურსი ჩაუტარდათ ხელოვნური ინტელექტის მიმართულებითაც”, - ნათქვამია ინფორმაციაში.