ზელენსკი უფრო მადლიერი უნდა იყოს, - ამის შესახებ აშშ-ის პრეზიდენტმა, დონალდ ტრამპმა ჟურნალისტებს განუცხადა.
„უბრალოდ ვფიქრობ, რომ ის უფრო მადლიერი უნდა იყოს. ეს ქვეყანა მათ რთულ დროს უჭერდა მხარს. პრეზიდენტმა ზელენსკიმ თქვა, რომ ომი კიდევ დიდხანს გაგრძელდება. სჯობს ამაში მართალი არ იყოს“, - განაცხადა დონალდ ტრამპმა.
მისი თქმით, უკრაინასთან მინერალების შესახებ შეთანხმება მკვდარი არ არის.
„გაიგებთ, ხვალ საღამოს სიტყვით გამოვდივარ და გაიგებთ. შესანიშნავი შეთანხმებაა ჩვენთვის, რადგან ბაიდენმა სულელურად 350 მილიარდი მისცა ქვეყანას საბრძოლველად და ჩვენ არაფერი მიგვიღია. 350 მილიარდით აშშ-ის ფლოტის განახლებას შევძლებდით“, - აღნიშნა აშშ-ის პრეზიდენტმა.
მისივე თქმით, სჯერა, რომ რუსეთს სურს შეთანხმების მიღწევა და თუ ვინმეს არ სურს, დიდხანს ვერ დარჩება.
"შესაძლოა, ვინმეს შეთანხმების მიღწევა არ სურს და თუ ვინმეს შეთანხმების მიღწევა არ სურს, ვფიქრობ, რომ ეს ადამიანი დიდხანს არ დარჩება. ამ ადამიანს დიდხანს არ მოუსმენენ, რადგან მჯერა, რომ რუსეთს შეთანხმების მიღწევა სურს და რა თქმა უნდა, მჯერა, რომ უკრაინელ ხალხს შეთანხმების მიღწევა სურს" , - აღნიშნა ტრამპმა.
ამასთან, დონალდ ტრამპის განცხადებით, უკრაინისთვის სამხედრო დახმარების შეჩერების შესახებ არც კი უსაუბრია.
„ამის შესახებ არც კი მისაუბრია. ვგულისხმობ, პირდაპირ ახლა. ვნახოთ რა იქნება. ამ მომენტში ძალიან ბევრი რამ ხდება“, - განაცხადა დონალდ ტრამპმა.
