მსახიობის, ანდრო ჭიჭინაძის საჩივარი სტრასბურგის სასამართლოში გაიგზავნა. აღნიშნულის შესახებ ინფორმაციას სოციალურ ქსელში მსახიობის ადვოკატი, თორნიკე მიგინეიშვილი ავრცელებს.

„ანდრო ჭიჭინაძის საჩივარი სტრასბურგის სასამართლოში ამ წუთებში გაიგზავნა“, - წერს ადვოკატი.

შეგახსენებთ, რომ მსახიობი, ანდრო ჭიჭინაძე პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 5 დეკემბერს დააკავეს.