„ალდაგი” ბიზნესის მხარდაჭერით „ბენე ექსკლუზივის” ახალი ინოვაციური პროდუქტის BENE EXPERIENCE-ის პრეზენტაცია გაიმართა. აღნიშნულის შესახებ ინფორმაციას „ალდაგი” ავრცელებს.

კომპანიის ცნობით, Bene Experience არის BENE-ს სრულიად ახალი კონცეფციის პროდუქტი, რომელიც მომხმარებელს სთავაზობს პრემიალურ, უნიკალურ და მრავალფეროვან გამოცდილებებს, როგორც ინდივიდუალური, ისე კორპორატიული მიმართულებით.

„Bene Experience საქართველოში მოქმედ სასტუმროებსა და ტურისტულ კომპანიებს საკუთარი მომხმარებლებისთვის სთავაზობს ავტომობილებით მომსახურებას სხვადასხვა ტურისტული აქტივობებისთვის, როგორებიცაა ექსკლუზიური გასტრო ტურები, შოპინგ თუ საინვესტიციო ტურები, სპორტული და ექსტრემალურ აქტივობები, ვერტმფრენითა თუ იახტით გასეირნება, და ა.შ. bene experience ქმნის უნიკალურ ტურისტულ გამოცდილებას, რომელიც საქართველოში ჩამოსულ სტუმრებს განსაკუთრებულ კომფორტს შეუქმნის. ბენეს ყველა ავტომობილი დაზღვეულია ალდაგში”, - აღნიშნულია გავრცელებულ ინფორმაციაში.

კომპანიის განმარტებით, ისინი მზად არიან მხარი დაუჭირონ ახალ ინიციატივებს, რომლებიც მორგებულია მომხმარებლების საჭიროებებზე.

„ყოველთვის მზად ვართ მხარი დავუჭიროთ ახალ ინიციატივებს, რომელიც მორგებულია მომხმარებლის საჭიროებებს და მათ განსხვავებულ გამოცდილებას სთავაზობს. ბენესთან ხანგრძლივი პარტნიორული ურთიერთობა გვაკავშირებს და მოხარული ვართ, რომ კიდევ ერთხელ მოგვეცა შესაძლებლობა, ჩავერთოთ ისეთ პროექტის განხორციელებაში, რომელიც საშუალებას მოგვცემს მივწვდეთ, ჩვენს აუდიტორიას და მათ უნიკალური გამოცდილება შევძინოთ”, - აცხადებენ „ალდაგში“.