დონალდ ტრამპი ერთი თვით გადადებს კანადისა და მექსიკის წინააღმდეგ საავტომობილო საქონელზე ტარიფების შემოღებას. ამის შესახებ განცხადებას თეთრი სახლი ავრცელებს.

აღნიშნული გადაწყვეტილება აშშ-ის პრეზიდენტმა დონალდ ტრამპმა საავტომობილო კომპანიების - General Motors-ის, Ford-ის და Stellantis-ის - აღმასრულებელ დირექტორებთან საუბრის შემდეგ მიიღო.

კერძოდ, მეწარმეებმა ტრამპს მოუწოდეს, გააუქმოს 25%-იანი ტარიფები მექსიკიდან და კანადიდან შემოსულ მანქანებზე, რომლებიც შესაბამისობაშია წარმოშობის წესების შესახებ 2020 წლის აშშ-მექსიკა-კანადის შეთანხმებასთან.

მათი თქმით, ეს გადაწყვეტილება სარგებელს მოუტანს როგორც ამერიკელ, ასევე უცხოელ ავტომწარმოებლებს, რომლებიც ასევე არიან აღნიშნულ შეთანხმებასთან შესაბამისობაში.