ჯო უილსონი - ქართველებს ამერიკასთან ბიზნესის კეთება სურთ, არალეგიტიმური ბიძინა კი ჩინეთის კომუნისტურ პარტიას მოქმედების სრულ თავისუფლებას აძლევს

ივანიშვილის „ქართული ოცნების“ რეჟიმმა გააუქმა ამერიკული კომპანიების შეთავაზებები და საქართველოს კრიტიკულად მნიშვნელოვანი შავი ზღვის პორტი ჩინეთის კომუნისტურ პარტიას მიჰყიდა, - ამის შესახებ ამერიკელი კონგრესმენი, ჯო უილსონი სოციალურ პლატფორმა X-ზე წერს.

მისი მტკიცებით, 2020 წლიდან 100 მილიონ დოლარზე მეტი ღირებულების ყოველ ინფრასტრუქტურულ პროექტში ჩართული არიან ჩინეთის კომუნისტური პარტიის მიერ კონტროლირებადი კომპანიები.

„ქართველებს ამერიკასთან ბიზნესის კეთება სურთ, ხოლო არალეგიტიმური ბიძინა ჩინეთის კომუნისტურ პარტიას მოქმედების სრულ თავისუფლებას აძლევს. 2020 წლიდან 100 მილიონ დოლარზე მეტი ღირებულების ყოველ ინფრასტრუქტურულ პროექტში ჩართული არიან ჩინეთის კომუნისტური პარტიის მიერ კონტროლირებადი კომპანიები“, - წერს უილსონი.