მედია - დრონებით თავდასხმის შედეგად ლენინგრადის ოლქში მდებარე „კინეფის“ ნავთობგადამამუშავებელ ქარხანაში ერთ-ერთი ავზი დაზიანდა

დრონებით თავდასხმის შედეგად ლენინგრადის ოლქში მდებარე „კინეფის“ ნავთობგადამამუშავებელ ქარხანაში ერთ-ერთი ავზი დაზიანდა, - ამის შესახებ ინფორმაციას რუსული მედია ლენინგრადის ოლქის გუბერნატორზე, ალექსანდრე დროზდენკოზე დაყრდნობით ავრცელებს.

„საჰაერო თავდაცვის ძალებმა კირიშის რაიონში „კინეფზე“ დრონებით თავდასხმა მოიგერიეს. დრონის ნამსხვრევებმა ერთ-ერთი ავზის გარე სტრუქტურა დააზიანა“, - წერს დროზდენკო „ტელეგრამის“ არხზე.

ლენინგრადის ოლქის გუბერნატორის ცნობით, დაშავებულები არ არიან.

ცნობისთვის, მანამდე რუსეთის თავდაცვის სამინისტრომ განაცხადა, რომ ღამით საჰაერო თავდაცვის სისტემებმა ლენინგრადის ოლქის თავზე ერთი დრონი ჩამოაგდეს.