რუსეთში, ნოვოკუიბიშევსკის ნავთობგადამამუშავებელ ქარხანას უკრაინულმა დრონებმა შეუტია
უკრაინის შეიარაღებულმა ძალებმა რუსეთის სამარას ოლქში ნოვოკუიბიშევსკის ნავთობგადამამუშავებელ ქარხანას შეუტია, რის შედეგადაც ობიექტზე ხანძარი გაჩნდა, - ინფორმაციას ტელეგრამ არხი ASTRA ავრცელებს.
ამასთან, ადგილობრივმა მცხოვრებლებმა ტელეგრამ არხ Shot-ს არხს განუცხადეს, რომ ნოვოკუიბიშევსკის თავზე რამდენიმე აფეთქება მოხდა და ცაში უპილოტო საფრენი აპარატისთვის დამახასიათებელი ხმები ისმოდა. მათივე ინფორმაციით, ძლიერი აფეთქების ხმა ადგილობრივი ნავთობგადამამუშავებელი ქარხნის მიმართულებიდან ისმოდა. ამ დროისთვის არსებული მონაცემებით, ერთ-ერთი უკრაინული უპილოტო საფრენი აპარატი საწარმოს სიახლოვეს ჩამოაგდეს.
სამარას ოლქის გუბერნატორი, ვიაჩესლავ ფედორიშჩევი სოციალურ ქსელში წერს, რომ უკრაინის შეიარაღებული ძალების მხრიდან თავდასხმის მცდელობა წარუმატებელი იყო და ნგრევა ან დაზიანება არ მოჰყოლია. "ნოვოკუიბიშევსკში სამი დრონის ლიკვიდაცია განხორციელდა. ხანძარი ან დაზიანება არ ყოფილა, ყველაფერი ნორმალურ რეჟიმშია", - ამტკიცებს გუბერნატორი. ის არ აკონკრეტებს, თუ რომელი საწარმო იყო თავდასხმის სამიზნე.
v-if="article.gallery" v-html="article.gallery"
