ებრაელთა თემი ფურიმს დღესასწაულობს
რელიგიის საკითხთა სახელმწიფო სააგენტო ქართველ ებრაელებს ფურიმის დღესასწაულს ულოცავს.
ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
„ძველი წელთაღრიცხვით V საუკუნეში, სპარსელთა მეფე არტაქსერქსეს კარისკაცი ამან ამალეკელი, გააღიზიანა ებრაელი მორდეხაის საქციელმა, რომელმაც მის წინაშე ქედის მოხრაზე უარი განაცხადა და მეფე დაარწმუნა, ებრაელთა სრულად განადგურების ბრძანება გაეცა. ებრაელები მორდეხაისა და დედოფალ ესთერის სიბრძნემ და თავგანწირვამ იხსნა.
რელიგიის საკითხთა სახელმწიფო სააგენტო ულოცავს ებრაულ თემს ფურიმის დღესასწაულს, კეთილდღეობასა და მშვიდობას უსურვებს მათ“, - აღნიშნულია გავრცელებულ ინფორმაციაში.
