ვლადიმერ პუტინმა და საუდის არაბეთის პრინცმა უკრაინის საკითხი განიხილეს
რუსეთის პრეზიდენტმა ვლადიმერ პუტინმა და საუდის არაბეთის მემკვიდრე პრინცმა მუჰამედ ბინ სალმანმა ტელეფონით ისაუბრეს და უკრაინის საკითხი განიხილეს, - ინფორმაციას რუსული მედია საუდის არაბეთის საინფორმაციო სააგენტო SPA-ზე დაყრდნობით ავრცელებს.
„საუბრისას განიხილეს ორ ქვეყანას შორის თანამშრომლობის არსებული სფეროები და მათი განვითარების გზები, ასევე განიხილეს უკრაინის კრიზისის მოგვარების მიზნით გაწეული ძალისხმევა“, - აღნიშნულია ინფორმაციაში.
სააგენტოს ცნობით, საუდის არაბეთის პრინცმა კიდევ ერთხელ დაადასტურა სამეფოს სურვილი, მხარი დაუჭიროს ყველა კარგ ინიციატივას დიალოგის გასაადვილებლად და ყველაფერს, რაც „უკრაინის კრიზისის პოლიტიკური გადაწყვეტის მიღწევამდე“ მიდის.
SPA-ს ცნობით, რუსეთის პრეზიდენტმა საუდის არაბეთის პრინცს ამ მიმართულებით გაწეული კონსტრუქციული ძალისხმევისთვის მადლობა გადაუხადა.
v-if="article.gallery" v-html="article.gallery"
